د (شعر او ادب) نورې ليکنې
تازه سرليکونه
بېلابېلې ليکنې
ګل افغانستان
جبیر احمد مشهود/ تعلیم الاسلام ویب پاڼه
ګل افغانستان
ګران افغانستان مي لکه زړه او لکه ځان دی
خوښ یمه چي ځي د پرمختګ پر لور روان دی
لر او بر خپره یې طالبي ښکلا په غیږه کي
امن دی د جنګ له بدبختیو په امان دی
بیا د پرمختګ او ابادۍ څپو اخیستی دی
یا پر خپلو پښو ولاړ سر لوړی دی ودان دی
څوک چي د قوت نشې راوړي تر دې خاوري دي
کړی زموږ پر وړاندي یې د سر او مال تاوان دی
زموږ د غلامۍ فکر دي نه وهي د وخت رقیب
دا د زمرو خاوره د پردیو قبریستان دی
دلته ټوله یو دي هزاره که پښتانه ، تاجک
یو موټی او یو اواز د لر او بر افغان دی
ولي به یې نه ستائي مشهود خپلو شعرونو کي
دا د مشهود زړه دی او مشهود ترې نه قربان دی
ورته ليکنې:
تبصره
