د (شعر او ادب) نورې ليکنې
تازه سرليکونه
بېلابېلې ليکنې
در سپارل سوی چې دا نن کوم مسؤلیت مسؤله
جبیر احمد مشهود/ تعلیم الاسلام ویب پاڼه
در سپارل سوی چې دا نن کوم مسؤلیت مسؤله
در سپارل سوی چې دا نن کوم مسؤلیت مسؤله
دی د سپېڅلو شهیدانو امانت مسؤله
که چیري نه ویني وړتیا د مسؤلیت په ځان کي
بیا یې نو پرېږده دا نو ښه دی تر خیانت مسؤله
ستا بې لارۍ ته مټې نغښتي دي کافِرو د وخت
روښانه لار به نیسې تل د شریعت مسؤله
د خواهِشاتو بدرنګۍ څخه دي ځان وساته
تاته اسرې لري دا ټول مُسلم امت مسؤله
سپینه لمن د سپین نظام در نه داغ داره نه سي
ګوره چې وَ نه کړې یوه زره غفلت مسؤله
خلګ خبري کوي ته یې هیڅ پروا مه کوه
مټې را ونغاړه هیواد غواړي خدمت مسؤله
د خدای رضا په دي مقصود وي نه رضا د بنده
مشهود ملنګ درته کوي دا یو وصیت مسؤله
www.taleemulislam.net
ورته ليکنې:
تبصره
