د کشرانو دعا

لیکنه: عبدالقیوم مینه وال/ تعلیم الاسلام ویب پاڼه

هو!رشتياهم يو الله ج دی، چي  پر يوه حال دی. نور هرڅه بدليږي. ځيني رنګ اړوي. ځيني خوند او ځيني خو بيا مخلره خپل اصليت اړوي. انسان که د ګلونو، مېوو او نور څه په څېر رنګ او خوند نسي بدلولای مګر اصليت او خوی ډېر ژر بدلوي.

تاسو خبر ياست او پوهېږئ، چي مخکي به د الله ج په دربار کي مشرانو لاسونه په دعا پورته کول. د خپلو کشرانو د اصلاح او په سمه لار د روانېدو غوښتنه به يې کوله، په وار وار به يې ويل: الهي! ته زموږ کشران د خېر او امن غوښتونکي جوړ کړه. خوښ او سوکاله ژوند يې ور په برخه کړه او ته يې له زړونو څځه د نفاق او له سرونو څځه د تکبر او بد بختۍ رنځ ليري کړه خو اوس خبره هغسي نه ده. وينو چي هرځای کشرانو لاسونه په دعا پورته کړي او وايي:الهي: ته زموږ مشرانو ته هدايت وکړه، چي له دې بد بختيو څخه لاس واخلي او ته يې په زړونو کي درد پيدا کړه، چي پر مظلومانو ورحميږي او خپلو کشرانو ته د خېر، امن او خوښۍ لار وټاکي. 

www.taleemulislam.net